Oinarrizko Gizarte Zerbitzuaren helburua da inguruan bizi den jendearen arazoei arreta ematea, ingurua garatzea, bizi-kalitatea hobetzea, Gizarte Ekintza Sailerako eskariak izapidetzea eta laguntza mota desberdinak ematea.

Pertsonek Gizarte Zerbitzuen sistemara egiten duten lehenengo hurbilketa da. Lehenengo, pertsonek Udalaren Oinarrizko Gizarte Zerbitzura jo behar dute, informazioa lortu eta laguntza mota desberdinetarako eskaerak aurkezteko.

• Laneratzeko Euskal Planean aurreikusitako laguntza ekonomikoen kudeaketa (Oinarrizko Errenta eta Gizarte Premiarako Laguntzak), Laneratzeko Hitzarmenekin batera.
• Etxez etxeko laguntza zerbitzua.
• Telealarma.
• Adin txikikoekin gizartean eta hezkuntzan esku hartzeko plana.
• Baliabide eta prestazioak izapidetzea Bizkaiko Foru Aldundiaren honako zerbitzuetan: Haurtzaroa, Gaztaroa eta Familia; Emakumea, Pertsona Nagusiak; Minusbaliatuak, Arreta Bereziko Kolektiboak.
• Beste zenbait kudeaketa: bidaia eta egonaldiak Imsersoren bainuetxeetan, Gurutze Gorriaren elikagai soberakinen banaketa, etorkinei aholkularitza juridikoa emateko Heldu Programa, koordinazioa Cáritasekin harrera programan eta pertsona nagusiei laguntza emateko programan.